KUELEKEA KOMBE LA DUNIA 2014>> FIFA YAIPORA POINTI SUDAN

FIFA imeinyang’anya Sudan ushindi wake wa Bao 2-0 walioifunga Zambia kwenye Mechi ya Kundi D ya Mechi za Mchujo kuwania kucheza Fainali za Kombe la Dunia za Mwaka 2014 huko Brazil baada ya kumchezesha Mchezaji mmoja ambae hakustahili kucheza Mechi hiyo.

Kamati ya Nidhamu ya FIFA imeamua kuwa Mchezaji Saif Ali hakutakiwa kucheza Mechi hiyo waliyoshinda Sudan Mjini Khartoum hapo Juni 2 Mwaka huu baada ya kuwa na Kadi za Njano alizopata katika Mechi za nyuma ikiwemo ile ambayo Zambia waliichapa Sudan kwenye Robo Fainali ya Kombe la Mataifa ya Afrika, AFCON 2012, iliyochezwa huko Gabon na Equatorial Guinea.

FIFA imeamua sasa kuipa Pointi 3 Zambia na goli 3-0 na pia kukitwanga Faini ya Dola 6,340 Chama cha Soka cha Sudan.

Uamuzi huu wa FIFA unaifanya Zambia sasa iongoze Kundi D ikiwa na Pointi 6 kwa Mechi mbili ikifuatiwa na Ghana wenye Pointi 3, Sudan nafasi ya 3 wakiwa na Pointi 1 na Lesotho wako mkiani wakiwa na Pointi 1.

MSIMAMO KUNDI D:

1 Zambia Mechi 2 Pointi 6

2 Ghana Mechi 2 Pointi 3

3 Sudan Mechi 2 Pointi 1

4 Lesotho Mechi 2 Pointi 1

RATIBA/MATOKEO:

01/06/12: Ghana 7-0 Lesotho

02/06/12: Sudan 2-0 Zambia [Matokeo yamefutwa sasa ni Sudan 0 Zambia 3]

12/06/12: Zambia 1-0 Ghana

10/06/12: Lesotho 0 Sudan 0

22-26/03/13: Ghana v Sudan; Lesotho v Zambia

07-11/06/13: Sudan v Ghana; Zambia v Lesotho

14-18/06/13: Lesotho v Ghana; Zambia v Sudan

06-10/09/13: Ghana v Zambia; Sudan v Lesotho
SOURCE: SOKA IN BONGO